TUSI MO MATUA O TAMAITI A’OGA I AUKILANI

Talofa lava,

Matou te fiafia lava e fa’afeiloa’i atu i fanau ma faia’oga uma o le a toe fo’i mai i le Aso Gafua a sau, i le Alert Level 2. O a matou Fuafuaga uma mo le Soifua Maloloina ma le Saogalemu o le fanau, o lo’o tumau lava e pei ona iai i Alert levels uma, ma e fa’ailoa atu matou te matua faia mea uma lava mo le malupuipuia o le fanau.

I totonu o aiga, fa’amolemole ia fa’aauau pea le fa’amamaina o lima, tulaga e tausi pe a tale pe mafatua, ia tumau i le va va mamao pe a feoa’i, ma ia fa’apea foi ona tu’u le fanau i le fale pe a mama’i.

Mo e matutua fa’apea tamaiti matutua, o pupuni fofoga (face coverings) o le isi lea auala tatou te fesoasoani ai ia i tatou lava, fa’apea isi, ina ia tatou sefe ma malupuipuia. Ua fa’asalalauina e le afioga i le Palemia e tatau ona pupuni fofoga (fai masks) o tagata uma, pe a iai i totonu o pasi, trains, ma nofoaga o feoa’iga faitele mai i le Aso Gafua a sau, i le Alert Level 2 po’o luga atu foi. E le a’afia ai le fanau e i lalo ifo o le 12 tausaga. E le a’afia ai fo’i pasi ma femalaga’iga a a’oga.

Ua aumai le fautuaga a le Ofisa o le Soifua Maloloina e le tatau ona fai ni punifofoga (face coverings) o le fanau e i alo ifo o le 6 tausaga.

E le tatau ona fai ni punifofoga o le fanau i le a’oga. O lo’o iai nisi vaega e puipuia ai i latou, e aofia ai fanau ma faia’oga o lo’o nonofo i le fale pe a mama’i, su’esu’ega o e na latou feso’ota’i iai, ma isi tulaga e puipuia ai lo latou soifua maloloina.

Afai e le tatau ona faia se puni fofoga o lou alo ae mana’o ai, o le a le afaina lea tulaga.

O lo’o fa’aauau pea su’esu’ega ma tagata tou te feso’ota’i (contact tracing) e ala i fa’asalalauga i QR Posters i faitoto’a e te ulufale mai ai, ia e siakiina pe a e susu mai.

Afai e te le’i kopiina i lalo le NZ COVID Tracer App, o lo’o iai i le website a le Matagaluega o le Soifua Maloloina ni fa’amalamalamaga e fesoasoani ia te oe. O le a iai fo’i se resitala mo e uma e susu mai ae le o iai le App, aemaise fo’i o e e susu mai mo se taimi umi. E fesoasoani lea ia i matou e iloa ai tagata na outou feso’ota’i iai, pe afai e mana’omia.

Mo nisi fa’amatalaga o fuafuaga a le soifua maloloina i le Alert Level 2, e mafai ona e asiasi i le COVID -19 website, ma afai e iai sau fesili e uiga i le vaiaso a sau, fa’amolemole fa’afeso’ota’i mai.

Tatou feiloa’i i le Aso Gafua.