Ko e Tohi ki he ngaahi mātu’a ‘a e fānau ‘o e Ako ‘a ‘Okalani’

Mālō mu’a ho’omou lelei

‘Oku mau hanga loto fiefia atu ke talitali lelei ‘a e foki mai ‘a e kotoa ‘o e fānauako’ mo e kau faiako’ ki he ako’ ‘i he ‘aho Mōnite’ hili ia ‘etau holo hifo ki he fakatokanga ‘o e Lēvolo 2’. Ko ‘emau palani mo e fokotu’utu’u ki he malu,hao mo e mo’ui lelei’ kuo ‘osi maau mālie ‘o hangē pē koia na’a tau angamaheni kiai ‘i he ngaahi fakatokanga ‘o e ngaahi Lēvolo kimu’aa’, pea ‘oku mau fakapapau atu te mau hokohoko atu hono fakakakato ‘a e me’a kotoa pē te mau ala malava’ ke tauhi mo fakapapau’i ‘a e malu mo e hao ho’omou fānau’.

‘I ‘api’, kātaki fakamolemole ‘o hokohoko atu ‘a hono tauhi ke ma’a e nima’ pea tauhi e ngaahi tu’utu’uni angamheni fekau’aki mo e tale’, mafatua’ mo e vāmama’o totonu’ ‘i he taimi ‘oku mou hū ai kitu’a ‘o takai holo’ pe ko ho’omou tauhi ho’omou fānau’ ‘i ‘api kapau ‘oku nau puke’.

Kuo tu’utu’uni ‘e he Palēmia’ kuo pau ke tui ‘a e me’a malu’ii’ pe pūlou’ ‘i he ngaahi me’afononga fakatokolahi kotoa ‘oku ngāue’aki ‘e he kakai’ ‘o kamata ‘i he Mōnite’ ‘i he fakatokanga ‘o e Lēvolo 2’ pe to e mā’olungaange ai’, ka neongo ia’, ‘oku ‘ikai kau heni ha ki’i ta’ahine pe tamasi’i ‘oku si’iange hono ta’u motu’a’ ‘i he ta’u 12’.

Kuo fakahoko mai ‘a e fale’i ‘a e kau ‘Ōfisa Mo’ui’ ke ‘oua ‘e tui me’a malu’i pe pūlou ‘a e fānau ‘oku si’iange honau ta’u motu’a’ ‘i he ta’u 6’.

‘Oku ‘ikai ke fiema’u ‘a e fānau ‘i he ako ke nau tui me’a malu’i pe pūlou. Ko e ngaahi tu’utu’uni fakapule’anga kehe’ kuo ‘osi maaumālie mo ia kau kiai ‘a e fānau mo e kau ngāue ‘oku nau nofo ‘i ‘api’ kapau ‘oku nau puke mo muimui’i ‘a e ngaahi fetu’utaki’ pe fakakakato ‘a e ngaahi fiema’u fakahaisini’.

‘Oku ‘ikai ke fiema’u ‘a e fānau ‘i he ako ke nau tui me’a malu’i pe pūlou. Ka, kapau ‘oku nau loto kiai, oku lelei pe moia.

‘Oku hokohoko atu pē ‘etau muimui’i ‘a e anga ‘o e fetu’utaki’ ‘aki ‘a hono fakapipiki ‘o e fakatātā ‘o e Qr Code ‘i hotau ngaahi matapā hū’anga’. Ko ia ai, kātaki fakamolemole ‘o faka’aonga’i ma’u pē ia ‘i he taimi kotoa pē ‘oku ke lava mai ai ki he ‘api ngāue’.

Kapau ‘oku te’eki ke ke ma’u pe hiki tatau ‘a e me’angāue ki hono muimui’i ‘o e COVID-19, ko e Uepisaiti ‘a e Potungāue Mo’ui’ ‘oku ma’u ai ‘a ngaahi fakamatala ke tokoni atu kiate koe ke fakakakato ‘a e ngaahi me’a ‘oku fiema’u’. Te mau tauhi foki mo e lekooti ‘o e kau ‘a’ahi’, ‘a kinautolu ‘oku te’eki ke nau ma’u ‘a e Apps pea pehē foki kiate kinautolu ‘oku nau ha’u ke ngāue ‘i ha taimi lōloa. ‘E tokoni ‘eni kiate kimoutolu ke lava ‘o muimui’i ‘a e fetu’utaki’ kapau ‘e ‘iai ha ngaahi me’a fakatu’upakē ‘e hoko mo ha ngaahi me’a fo’ou ‘e fiema’u.

Kapau ‘oku to e fiema’u ha ngaahi fakamatala fekau’aki mo e ngaahi tu’utu’uni ki he Fakatokanga ‘o e Lēvolo 2’ te ke lava pē ‘o hū ‘o ngāue’aki ‘a e Uepisaiti COVID-19 pea kapau ‘oku to e ‘iai ha’amou ngaahi fehu’i fekau’aki mo e uike kaha’u’ pea ke kātaki ‘alā ‘o fetu’utaki mai.

Tau toki felōngoaki ‘i he Mōnite’

Tu’a ‘ofa atu